چنگ ڈاو(نیو زڈیسک ) شنگھائی تعاون تنظیم اجلاس کے موقع پر صدرِ مملکت ممنون حسین نے بھارتی وزیرِ اعظم نریندر مودی کے ساتھ خوشگوار ماحول میں مصافحہ کیا،نریندر مودی نے گرم جوشی کے ساتھ ردِ عمل دیا، دونوں رہنما ئو ں کے درمیان غیر رسمی گفتگو بھی ہوئی ۔ تفصیلات کے مطابق شنگھائی تعاون تنظیم اجلاس کے موقع پرچینی صدر شی جن پنگ سے مصافحہ کیا۔
جبکہ چینی صدر سے مصافے کے بعد صدر ممنون حسین نے بھارتی وزیراعظم سے مصافحہ کیا جس کا نریندر مودی نے گرم جوشی کے ساتھ ردِ عمل دیا۔اس موقع پر دونوں رہنما ئو ں کے درمیان غیر رسمی گفتگو بھی ہوئی اور دونوں رہنما ایک ساتھ اپنی نشستوں کے لیے آگے بڑھے۔اس دوران صدر ممنون حسین نے وسطی ایشیائی ممالک کے سربراہان سے بھی مصافحہ کیا۔
