اسلام آباد(مانیٹرنگ ڈیسک) پی ٹی آئی چیئرمین عمران خان کی سابقہ اہلیہ ریحام خان اور حمزہ علی عباسی کے درمیان دشمنی کی اصل وجہ سامنے آ گئی۔ریحام خان نے حمزہ عباسی کے اپنے خلاف ہونے کی وجہ حمزہ عباسی کو فلم ’’جاناں‘‘میں کاسٹ نہ کرنے کو قراردے دیا ۔ریحام خان کا کہنا ہے کہ اگر پروڈیوسر نے حمزہ عباسی کو فلم جاناں میں کاسٹ نہیں کیا تو اس میں میرا کوئی قصور نہیں۔ایک پروگرام کے دوران گفتگو کرتے ہوئے ریحام خان
کا کہنا تھا کہ مجھے لگتا ہے کہ حمزہ علی عباسی نے ابھی تک مجھے معاف نہیں کیا کیونکہ میں نے ان کو اپنی فلم جاناں میں کاسٹ نہیں کیا تھا۔جب ریحام خان سے پوچھا گیا کہ حمزہ علی عباسی تو کہتے ہیں کہ آپ نےا پنی فلم بنانے کے لیے کچھ پی ٹی آئی کے رہنماؤں اور کراچی کے ایک بزنس مین سے پیسے لیے ہیں تو ریحام خان کا کہنا تھا کہ میں نے ان سب سوالوں کے جواب اپنی کتاب میں لکھے ہیں۔کتاب پڑھنے پر آپ کو سب پتہ چل جائیگا۔
