اسلام آباد(مانیٹرنگ ڈیسک)ہر روز سوموٹو ایکشن ،ن لیگ کے لوگ دیگر پارٹیوں میں شامل کرانے پر سوموٹو کب لیا جائے گا؟نواز شریف نے چیف جسٹس پر سنگین الزامات عائد کر دئیے ۔تفصیلات کے مطابق سابق وزیراعظم نواز شریف آج ایون فیلڈ ریفرنس میں پیشی کیلئے احتساب عدالت اسلام آباد میں پیش ہوئے ۔ کمرہ کمرہ عدالت میں غیر رسمی گفتگو کرتے ہوئے کہا کہ الیکشن سے پہلے عدالتوں میں طلب کیا جانا دھاندلی کا آغاز ہے۔ آج سے نہیں
بہت پہلے سے یہ آغاز ہو چکا تھا۔نواز شریف نے کہا کہ اس دن کا اس وقت آغاز ہوا جب مجھے نااہل کیا گیا اور پارٹی صدارت سے ہٹایا گیا۔ ہمارے امیدواروں کو پارٹی ٹکٹس سے محروم کر دیا گیا۔ ’ان مثالوں سے بڑھ کر اور کیا قبل از الیکشن دھاندلی ہے‘۔انہوں نے کہا کہ مسلم لیگ ن کے لوگوں کو دوسری پارٹیوں میں شامل کروایا گیا۔ ہر روز سو موٹو لیا جاتا ہے۔ ن لیگ کے لوگ دیگر پارٹیوں میں شامل کرانے پر سوموٹو کب لیا جائے گا۔