اسلام آباد(مانیٹرنگ ڈیسک)اصغر خان کیس، نواز شریف سپریم کورٹ میں پیش نہ ہو سکے، چیف جسٹس نے وکیل کرنے کیلئے مہلت دیتے ہوئے کیس کی سماعت 12جون تک ملتوی کر دی۔ تفصیلات کے مطابق اصغر خان کیس میں سپریم کورٹ نے آج سابق وزیراعظم نواز شریف سمیت 31افراد کو طلبی کیلئے نوٹسز جاری کر رکھے تھے ، چیف جسٹس آف پاکستان کی سربراہی میں بنچ نے اصغر خان کیس کی دوبارہ سماعت کی تو چیف جسٹس نے استفسار کیا

کہ نوازشریف کاپتہ چلا ،کدھر ہیں؟،ایڈیشنل اٹارنی جنرل نے کہا کہ اٹارنی جنرل پتہ کرنے گئے ہیں۔اٹارنی جنرل نے عدالت کو بتایا کہ نوازشریف احتساب عدالت میں ہیں،چیف جسٹس ثاقب نثار نے کہا کہ اگرنوازشریف نہیں آناچاہتے تووکیل آجائے،اٹارنی جنرل نے کہا کہ نوازشریف اپنی نمائندگی کیلئے وکیل کا بندوبست کررہے ہیں۔عدالت نے سابق وزیراعظم نوازشریف کو وکیل کرنے کیلئے مہلت دیتے ہوئے اصغرخان کیس کی سماعت 12 جون تک ملتوی کردی۔