اسلام آباد (آئی این پی) صدر مملکت ممنون حسین سے نگران وزیراعظم جسٹس(ر) ناصر الملک کو عہدہ سنبھالنے پر مبارکباد دیتے ہوئے توقع ظاہر کی ہے کہ شفاف انتخابات کیلئے وہ اپنی ذمہ داریاں بااحسن سرانجام دیں گے۔ جمعہ کو صدر ممنون حسین سے نگران وزیراعظم جسٹس(ر) ناصر الملک نے ملاقات کی۔ ملاقات میں نگران حکومت اور انتخابات
سے متعلق امور پر تبادلہ خیال کیا گیا۔صدر مملکت ممنون حسین نے نگران وزیراعظم جسٹس(ر) ناصر الملک کو وزیراعظم کا عہدہ سنبھالنے پر مبارکباد دی اور کہا کہ توقع ہے کہ شفاف انتخابات کیلئے ناصر الملک ذمہ داریاں بااحسن سرانجام دیں گے۔جسٹس(ر) ناصر الملک نے کہا کہ کوشش ہو گی کہ مجھ پر جو اعتماد کیا گیا اس پر پورا اتروں۔