اسلام آباد (آن لائن) عوامی مسلم لیگ کے سربراہ شیخ رشید احمد نے کہ اہے کہ مریم نواز نے مسلم لیگ ن کو تباہ کر دیا، چین کی دوستی کا بڑا قائل ہوں۔ کوئی کسی کا رشتہ دار نہیں ، سیاست صرف مفادات کے لئے ہوتی ہے۔ شاہد خاقان عباسی کا چیلنج قبول کرتا ہوں۔ نیب کے سامنے200کروڑ روپے کی کرپشن ثابت کروں گا۔ عوام کے پاس اس وقت عمران خان کے علاہو کوئی چوائس نہیں ہے۔ ڈر ہے کہیں بلوچستان میں آصف زرداری نہ آ جائیں۔

مستقبل میں ن لیگ کی سیاست کو نہیں دیکھ رہا۔ نجی ٹی وی کو انٹرویو دیتے ہوئے شیخ رشید احمد نے کہا کہ اس دفعہ الیکشن میں بری مینڈیٹ سے جیتیں گے۔ تمام دینی جماعتو ں کا سپورٹ ہماری پارٹی کے لئے ہو گی۔ حلصہ نمبر60,61میں تاریخی فتح ہو گی۔ نواز شریف بادشاہ آدمی ہیں ان کاہر فیصلہ کمزور ہے۔ پارٹی صدر ہونے کے باوجود شہباز شریف کہیں دکھائی نہیں دے رہا۔ مریم نواز نے ن لیگ کو تباہ کر کے رکھ دیا۔ سارے منصوبوں میں میاں برادران نے جی بھر کر کرپشن کی۔ پنجاب میں عام بڑے منصوبوں کو ایک ایسی چینی کمپنی کے سپرد کر دیا گیا جو چین میں بدنام ترین کمپنی شمار کی جاتی ہے۔ ن لیگ کی حکومت نے90سال کا قرضہ گزشتہ چار سالوں میں لیا ہے۔ سی پیک کا سب سے بڑا حامی ہوں لیکن ہم نے اس منصوبے کو ڈالر ڈالر میں کھیلا ۔ دنیا میں یورو اور پاؤنڈ سے بھی تجارت کی جاتی ہے۔ انہوں نے کہا کہ اتفاق فاؤنڈری کے منشی اس وقت 20کروڑ عوام کی معاشی تقدیر کے ساتھ کھیل رہے ہیں۔ چنی کی دوستی کا قائل ہوں۔ کوئی کسی کا رشتہ دار نہیں سیاست رف مفادات کے لئے ہوتی ہے۔ انہوں نے مزید کہا کہ چیلنج کرتا ہوں کہ نیب کے لوگ ار خاقان عباسی ساتھ بیٹھیں ثابت کروں گا 200کروڑ روپے مل کر کھائے ہیں۔ آنے ولاے الیکشن میں مقابلہ پی ٹی آئی اور ن لیگ میں ہو گا۔ خواہش ہے کہ عمران خان انتخابات جیتیں۔ اگر پنجاب میں سخت مقابلہ ہوا تو اتحادی عمران خان کو سپورٹ کرینگے۔ شریف خاندان کی سیاست ختم ہو گئی ہے۔

ڈر ہے کہیں بلوچستان میں آصف زرداری نہ آئیں کیونکہ جو حکومت گرا سکتے ہیں وہ بنا بھی سکتے ہیں۔ شیخ رشید احمد کا کہنا تھا کہ نئے حلقہ بندیاں واضح نہیں ہے۔ جس سے الیکشن میں مسائل پیدا ہو جائیں گے۔ ملک اس وقت بری طرح معاشی بحران کا شکار ہے۔ آنے والی حکومت کو معیشت کو کھڑا کرنا ایک چیلنج سے کم نہیں ہے۔ ہو سکتا ہے نئی حکومت قرضوں کی قسط نہ دے سکے۔ حلقہ بندیوں، معاشی حالات کی وجہ سے انتخابات آگے جا سکتے ہیں۔ فوج کو الیکشن کے وقت پولنگ اسٹیشن کے اندر اور باہر ڈیوٹی دینا چاہیئے۔ انہوں نے مزید کہا کہ سیاستدان وہی ہوتا ہے جو نہ جھوٹ بولتا ہے اور نہ وعدہ خلافی کرتا ہے۔ بلکہ ڈنکے کی چوٹ پر فیصلہ کرتا ہے۔ سیاسی طور پر نواز شریف خلائی مخلوق کی پیداوار ہیں۔