اسلام آباد(مانیٹرنگ ڈیسک)سابق وزیراعظم نواز شریف کے ممبئی حملوں سے متعلق متنازعہ انٹرویو کے بعد پاک فوج کی تجویز پر وزیراعظم شاہد خاقان کی زیر صدارت قومی سلامتی کمیٹی اجلاس کے انعقاد کے بعد وزیراعظم شاہد خاقان عباسی نے مسلم لیگ ن کے قائد نوازشریف سے ملاقات کی جس میں ممبئی حملوں سے متعلق بیان پر بات چیت ہوئی ،شاہد خاقان عباسی نے قائد ن لیگ کو قومی سلامتی کمیٹی
کے اجلاس سے متعلق آگاہ کیاملاقات میں آئندہ کالائحہ عمل بھی طے کیا جائے گا۔۔نجی ٹی وی چینل سما نیوز کے مطابق سابق وزیراعظم نوازشریف کا کہناتھا کہ میرے بیان کو غلط رنگ دیا گیا ،ایسا کچھ نہیں کہا جس سے قومی سلامتی کو خطرہ ہو ۔واضح رہے کہ نواز شریف کی وزیراعظم شاہد خاقان عباسی سے ملاقات قومی سلامتی کمیٹی اجلاس کے بعد اور اعلامیہ جاری ہونے کے درمیان ہوئی ہے۔
