میانوالی (مانیٹرنگ ڈیسک) متنازع بیان پر سابق وزیرِاعظم نواز شریف کے خلاف میانوالی اور وہاڑی میں مقدمہ درج کے لیے درخواستیں دائر کر دی گئی ہیں۔ ایک نجی ٹی وی چینل کی رپورٹ کے مطابق میانوالی میں ایک شہری منصور خان نے موقف اختیار کرتے ہوئے کہا کہ پاکستانیوں کے جذبات مجروح کرنے پر نواز شریف کے خلاف مقدمہ درج
کیا جائے، نواز شریف نے تین بار پاکستان کے ساتھ وفاداری کا حلف اٹھایا، مگر بے وفائی کی۔ تحریک انصاف کے وہاڑی میں مقامی رہنما طاہر انور تھانہ سٹی میں نواز شریف کے خلاف درخواست جمع کرائی۔ طاہر انور نے اپنی درخواست میں موقف اختیار کیا کہ سابق وزیراعظم میاں محمد نواز شریف کے خلاف مقدمہ درج کرکے انہیں سزا دی جائے۔
