نارروال(سی پی پی) وفاقی وزیر داخلہ احسن اقبال پر فائرنگ کرنے والے ملزم عابد حسین کی بہن نے کہا ہے کہ انہیں معلوم نہیں کہ ان کے بھائی نے احسن اقبال پر قاتلانہ حملہ کیوں کیا۔نجی ٹی وی سے گفتگو میں ملزم کی بہن راشدہ کا کہنا تھا کہ عابد گھر میں کسی کو کچھ بتاکر نہیں گیا تھا، سمجھ نہیں آیا کہ اس نے وزیر داخلہ پر حملہ کیوں کیا؟
یاد رہے کہ وزیر داخلہ احسن اقبال پر گذشتہ روز نارروال کے علاقے کنجروڑ میں اس وقت قاتلانہ حملہ کیا گیا جب وہ جلسہ گاہ سے روانہ ہو رہے تھے جس کے نتیجے میں وزیر داخلہ شدید زخمی ہو گئے تھے ۔ایلیٹ فورس نے گولی چلانے والے ملزم عابد حسین کو موقع سے ہی گرفتار کرلیا تھا، حملہ آور کا تعلق گاں ویرم کی تحصیل شکر گڑھ سے ہے۔
