اسلام آباد(مانیٹرنگ ڈیسک) چوہدری نثارکا آج شام 4 بجے اہم پریس کانفرنس کرنے کا اعلان ۔نجی ٹی وی کے مطابق سابق وزیر داخلہ چوہدری نثارجو گزشتہ کئی روز سے خبروں کی زینت بنے ہوئے ہیں اس کی وجہ ان کی تحریک انصاف میں ممکنہ شمولیت کی افواہیں ہیں ۔ چوہدری نثار کی جانب سے اس حوالے سے کوئی باضابطہ
اعلان نہیں کیا گیا اور نہ ہی انہوں نے اپنا موقف عوام کے سامنے رکھا ہے جس کے باعث چہ میگوئیاں بڑھنے لگی ہیں۔جس کا جواب دینے کیلئے چوہدری نثار نے بالآخر اہم قدم اٹھاتے ہوئے پریس کانفرنس کرنے کا اعلان کردیا ۔ وہ آج شام 4 بجے پریس کانفرنس کریں گے۔وہ ملکی معاملات اور پارٹی امور پر میڈیا سے گفتگو کریں گے۔