اسلام آباد(مانیٹرنگ ڈیسک)ہم نے آپ کو پارٹی صدر بنایا ہے۔ آپ وہی کریں گے جو ہماری پالیسی ہوگی،جاتی امرا میں ہونے والے اجلاس کے دوران مریم نواز نے شہبازشریف پر واضح کردیا، معروف صحافی چوہدری غلام حسین کا نجی ٹی وی پروگرام کے دوران گفتگو کرتے ہوئے کہنا تھا کہ کچھ روز پہلےپاکستان مسلم لیگ( ن) کے رہنماؤں کا جاتی امرا میں ایک اجلاس ہوا ہے جس کے دوران نواز شریف کا گفتگو کرتے ہوئے کہنا تھا کہ اتنی بڑی

تعداد میں ایم این اے اور ایم پی اے پارٹی چھوڑ کر جا رہے ہیں۔جس پر مجھے پریشانی کا سامنا کرنا پڑ رہا ہے۔جس کے بعد شہباز شریف نے اپنا رد عمل دیتے ہوئے کہا کہ میں ان تمام پارٹی رہنماؤں سے بات کرتا ہوں جو پارٹی چھوڑنے کے لیے پر تول رہے ہیں۔ اس پر نواز شریف کی صاحبزادی مریم نواز فوراً بولی کہ نہیں میاں صاحب آپ کو پارٹی کا صدر نواز شریف نے بنایا ہے اور پالیسی وہ ہو گی جو ہم دیں گے۔آپ کسی سے رابطہ نہیں کریں گے۔