اسلام آباد (مانیٹرنگ ڈیسک)معروف صحافی عامر متین نے نجی ٹی وی پروگرام میں گفتگو کرتے ہوئے کہا ہے کہ مسلم لیگ (ن)کی اپنی حکومت ہے۔لیکن یہ اپنی ہی حکومت میں اتنے بے بس ہو گئے ہیں کہ پی ٹی وی بھی ان کی تقریر نہیں دکھا رہا تھا۔کوئی بیورو کریٹ ان کی فائل پر دستخط نہیں کرتا۔جب مریم نواز اپنی تقریر میں کہیں گی کہ فوج،عدلیہ اور میڈیا ان کے خلاف ہو گیا ہے تو پھر کون پاگل ان کی تقریر دکھائے گا؟مریم نوازکی ساہیوال میں

کی گئی تقریرایک شکست خوردہ تقریر تھی ۔ (ن) لیگ کو اب سمجھ نہیں آرہی کہ ان کے بیانئے اور انتخابات کی حکمت عملی میں کیا فرق ہے؟ مریم نواز صیح گلہ کر رہی تھیں کہ ہمیں میڈیا بھی نہیں دکھا رہا۔عامر متین کا کہنا تھا کہ جو بھی وجوہات تھیں لیکن عمران خان کی 4 گھنٹے کی تقریر کو پرائم ٹائم میں دکھایا گیا اور تمام چینلز نے کروڑوں کے اشتہار چھوڑ کر عمران خان کی تقریر دکھائی۔پورا پاکستان عمران خان کی تقریر سنتا رہا۔