لاہور(مانیٹرنگ ڈیسک) مسلم لیگ (ن) کے قائد میاں نوازشر یف کی صاحبزادی مریم نواز کا سوشل میڈیا پر گردش کرنے والی ایک تصویر پر اپنے رد عمل کا اظہار کرتے ہوئے کہنا تھا کہ یہ ان کی بیٹی نہیں ہے،جھوٹ بولنے کا سلسلہ بند کرو۔تفصیلات کے مطابق سوشل میڈیا پر زیرگردش تصویر میں سرخ لباس میں ملبوس ایک لڑکی عمران کے ساتھ کھڑی ہے جس کے ساتھ لکھا گیا ہے کہ

“مریم نواز کی بیٹی بھی عمران خان کی بڑی فین نکلی، لندن ائیر پورٹ پر سیلفی بنائی۔”جس کے جواب میں مریم نواز کا اپنے سوشل میڈیا اکانٹ پر کہنا تھا کہ یہ لڑکی ان کی بیٹی نہیں ہے، جھوٹ بولنے کا سلسلہ بند کرو۔خیال رہے مریم نواز کے تین بچے ہیں، جن میں ایک بیٹا اور دو بیٹیاں شامل ہیں،ان کی بڑی بیٹی مہر النسا کی شادی 2015 میں راحیل منیر کے ساتھ ہوچکی ہے۔