اسلام آباد(مانیٹرنگ ڈیسک)اسلام آباد ہائیکورٹ نے خواجہ آصف کو گزشتہ روز بیرون ملک نوکری اور اقامہ کی بنیاد پر تا حیات نا اہل قرار دیا تھا۔اس سے متعلق معروف صحافی ہارون الرشید کا کہنا تھا کہ خواجہ آصف کی نا اہلی سے (ن) لیگ مزید کمزور ہو گی۔کیونکہ خواجہ آصف (ن) لیگ کے فرنٹ مین سمجھے جاتے تھے۔ خواجہ آصف دوسروں پر جملہ بازی بہت کرتے تھے یہاں تک اسمبلی میں
خواجہ آصف نے بینظیر بھٹو پر بھی جملہ بازی کی تھی ۔خواجہ آصف کی یہی ایک خوبی تھی جس کی وجہ سے انہیں (ن) لیگ میں پسند کیا جاتا تھا ۔ اسی بنیاد پر خواجہ آصف کو پروموٹ کیا جاتا تھا۔ہارون الرشید کا مزید کہنا تھا کہ لوگوں کی توہین کرنے کا نتیجہ ہمیشہ غلط نکلتا ہے۔خواجہ آصف کا تکبر ان کو لے ڈوبا ہے۔خواجہ آصف دوسروں کو انسان نہیں سمجھتے تھے اور آج ان کا تکبر ہی ان کو لے ڈوبا ۔
