اسلام آباد (مانیٹرنگ ڈیسک )چیئرمین پی ٹی آئی عمران خان کی اہلیہ بشریٰ بی بی بنی گالہ میں ہی موجود ہیں اور وہ گھر سے نہیں گئیں ۔نجی ٹی وی نے دعویٰ کیاہے کہ عمران خان کی تیسری شادی میں ناراضگی سے متعلق چلنے والی تمام افواہیں بے بنیاد ہیں اور ان میں کوئی صداقت نہیں ،عمران خان نے رات کا کھانا اپنی اہلیہ کے ہاتھوں ہی بنا ہوا بنی گالہ میں کھایا ہے اور بشریٰ بی بی بنی گالہ میں ہی ہیں۔ پی ٹی آئی رہنماﺅں کا کہناہے کہ

سیاسی حریف 29 اپریل کے جلسے سے خوفزدہ ہیں اور ایسی خبریں پھیلا کر جلسے کو سبوتاژ کرنا چاہتے ہیں ۔یاد رہے کہ روزنامہ امت نے دوروز قبل اپنی رپورٹ میں دعویٰ کیا تھا کہ بشریٰ مانیکا اپنے خاوند عمران خان سے ناراض ہو کر میکے چلی گئی ہیں اور انہیں گئے ہوئے ایک ماہ کا عرصہ گزر چکا ہے۔ دونوں میں ناراضگی کی وجہ بشریٰ مانیکا کے سابق شوہر سے ہونے والے ایک بیٹے کی بنی گالہ آمد اور رہائش بنی  ہے۔