اسلام آباد (مانیٹرنگ ڈیسک) چیف جسٹس ثاقب نثار کی سربراہی میں بنچ نے گنے کے کاشتکاروں کو عدم ادائیگیوں پر ازخود نوٹس کی سماعت کی ۔ کاشتکاروں نے شکایت کے انبار لگا دیئے ۔ تفصیلات کے مطابق نمائندے نے چیف جسٹس میاں ثاقب نثار کو بتا یا ہے کہ تمام سرکاری عملہ شوگر مالکان کیساتھ ملا ہوا ہے۔ یہ مسلم لیگ ن کو پیسے دے رہیں اور شہباز شریف کا خاندان مل والا دھمکیاں دے رہا ہے ۔

کسان اتحاد کے نمائندے نے بتایا کہ سرکاری ریٹ 180 روپے من ہے،شوگر ملز 100 روپے فی من کے حساب سے ادائیگی کرتے آرہے ہیں ۔ وکیل ڈاکٹر عبدالباسط نے دوران سماعت چیف جسٹس ثاقب نثار کو بتایا کہ کاشتکاروں کوادائیگی میں بدعنوانی کی جارہی ہے ۔ چیف جسٹس آف پاکستان میاں ثاقب نثار نے استفسار کرتے ہوئے کہا ہے کہ ملک میں کتنی شوگر ملز ہیں ؟اعلیٰ عدلیہ کے جج نے ریمارکس دیئے کہ شوگرملز کی جانب سے ادائیگی کے سرٹیفکیٹ مانگے تھے ،دیکھنا ہے عدالتی حکم پر عمل ہوا یا نہیں۔چیف جسٹس ثاقب نثار نے کہا کہ شوگر ملز کو پبلک نوٹس دیا تھا شاید تعمیل نہیں ہوئی۔