اسلام آباد (نیوز ڈیسک) معروف صحافی ڈاکٹرشاہد مسعود نے قصور کی معصوم بچی زینب کے معاملے میں نہایت تہلکہ خیز دعوے کیے مگر وہ اپنے ان دعوؤں کو عدالت میں ثابت نہ کر سکے۔ زینب کے اغواء، زیادتی اور قتل میں ملوث عمران کو سزا سنا دی گئی ہے لیکن یہ المناک واقعہ اسی طرح ہر شخص کے دل میں زندہ ہے۔ واضح رہے کہ ڈاکٹر شاہد مسعود پر عدالت نے پروگرام کرنے پر پابندی لگا دی تھی،

اس وجہ سے وہ پروگرام نہیں کر رہے ہیں مگر وہ اپنے مداحوں سے سوشل میڈیا کے ذریعے رابطے میں رہتے ہیں اور مختلف معاملات سے انہیں آگاہ رکھتے ہیں لیکن انہوں نے زینب کی ایک ایسی پوسٹ کی ہے جس نے سب کو رلا دیا۔ معروف صحافی ڈاکٹر شاہد مسعود نے سماجی رابطے کی ویب سائٹ ٹوئٹر پر زینب کی ایک تصویر شیئر کی ہے جس میں وہ شرارتی مسکراہٹ کے ساتھ اپنی آنکھوں میں خواب سجائے کھڑی ہے ، ڈاکٹر شاہد مسعود نے لکھا کہ زینب بیٹی کے والد صاحب جو مجھ سے مسلسل رابطے میں ہیں اور جن کی بھی اب میری طرح زبان بندی ہو چکی ہے کچھ دیر پہلے زینب کی یہ تصویر واٹس ایپ کی ہے۔ معصوم زینب کی تصویر سامنے آتے ہیں ہر شخص سوگوار ہو گیا اور آنکھیں آنسوؤں سے بھیگ گئیں۔ زینب کی اس تصویر پر صارفین اپنے اپنے خیالات کا اظہار کر رہے ہیں، ایک صارف تجمل پرویز نامی نے لکھا کہ افسوس کی بات ہے کچھ سمجھ میں نہیں آتا، کیا راز ہے اس میں۔۔۔ ایک اور صارف حلیمہ نعیم نے کہا کہ ہم کتنے ظالم ہیں۔۔۔ یہ ننھی پری اس کی حقدار نہیں تھی۔ صارف محبوب عالم نے اس پر لکھا کہ ڈاکٹر صاحب ہم آپ کے ساتھ ہیں اور دعا کرتے ہیں کہ اللہ پاک آپ کو ظالم کے شر سے محفوظ رکھے۔ حالات حاضرہ پر بھی تھوڑا بہت لکھ دیا کریں۔ اسی طرح ایک اور صارف عدنان ظفر نے اپنے پیغام میں کہا کہ میرے پاس جذبات کے اظہار کے لیے الفاظ نہیں ہیں۔

زینب بیٹی کے والد صاحب جو مجھ سے مسلسل رابطہ میں ھیں(اورجن کی بھی اب میری طرح زبان بندی ھو چکی ھے)کچھ دیر پہلے یہ تصویر whatsapp کی ھے۔۔۔۔! pic.twitter.com/JuMsZxAPS8

— Dr Shahid Masood (@Shahidmasooddr) April 22, 2018