اسلام آباد(مانیٹرنگ ڈیسک) چیئرمین نیب جسٹس (ر) جاوید اقبال نے کہا ہے کہ ملک کے تمام سیاستدان نیب کیلئے قابل عزت ہیں ،بدعنوانی کے ضمن میں کسی سیاستدان کیخلاف کارروائی ہوتو یہ کردارکشی نہیں۔نجی ٹی وی کے مطابق
چیئرمین نیب جسٹس (ر) جاوید اقبال نے کہا ہے کہ بدعنوانی ایک لعنت ہے جس کا خاتمہ نیب کی اولین ترجیح ہے۔ انہوں نے کہا کہ نیب افسران بدعنوانی کے خاتمے کو اپنی قومی ذمہ داری سمجھتے ہیں اور کرپشن فری پاکستان کیلئے بھرپور کوششیں کررہے ہیں۔انہوں نے کہا کہ نیب کی پہلی اور آخری وابستگی پاکستان اور عوام سے ہے، نیب احتساب سب کیلئے کی پالیسی پر سختی سے عمل کررہا ہے۔انہوں نے کہا کہ ملک کے تمام سیاستدان نیب کیلئے قابل عزت ہیں، کسی بھی سیاستدان کی کردارکشی کا تصور بھی نہیں کیاجاسکتا اور ایسا ہرگز نہیں ہوگا۔انہوں نے کہا کہ نیب کی تمام کارروائیاں حقائق، شواہد، قانون کے مطابق ہیں، بدعنوانی کے ضمن میں کسی سیاستدان کیخلاف کارروائی ہوتو یہ کردارکشی نہیں۔ انہوں نے کہا کہ نیب کاہرقدم قانون کے مطابق ہے جس کا ٹھوس جواز عدالت کے سامنے پیش کیا جائیگا۔انہوں نے کہا کہ تمام شکایات کی جانچ پڑتال میرٹ اورشفافیت کیساتھ منطقی انجام تک پہنچائی جائیں گی۔ چیئرمین نیب جسٹس (ر) جاوید اقبال نے کہا ہے کہ ملک کے تمام سیاستدان نیب کیلئے قابل عزت ہیں ،بدعنوانی کے ضمن میں کسی سیاستدان کیخلاف کارروائی ہوتو یہ کردارکشی نہیں۔نجی ٹی وی کے مطابق چیئرمین نیب جسٹس (ر) جاوید اقبال نے کہا ہے کہ بدعنوانی ایک لعنت ہے جس کا خاتمہ نیب کی اولین ترجیح ہے۔
