اسلام آباد/لندن (مانیٹرنگ ڈیسک)وزیر خارجہ خواجہ محمد آصف نے کہا ہے کہ چیئرمین تحریک انصاف عمران خان جن ممبران پر سینیٹ انتخاب میں پیسے لیکر ووٹ بیچنے کا الزام لگاتے ہیں وہ ممبران کہتے ہیں کہ عمران خان نے آصف زرداری سے پیسے پکڑ کر چیئرمین سینیٹ اور ڈپٹی چیئرمین سینیٹ کیلئے خیبرپختونخوا کے سینیٹرز بیچے ہیں۔ جمعرات کو سماجی رابطے
کی ویب سائٹ ٹوئٹر پر اپنے ٹوئٹ میں خواجہ آصف نے کہا کہ عمران خان جن ممبران پر الزام لگاتے ہیں کہ انہوں نے پیسے لیکر ووٹ دیے ہیں وہ کہتے ہیں کہ عمران خان نے آصف زرداری سے پیسے پکڑ کر چیئرمین سینیٹ اور ڈپٹی چیئرمین سینیٹ کیلئے خیبرپختونخوا کے سینیٹرز بیچے ہیں ، اندازہ لگائیں جو شخص آصف زرداری سے مال پکڑ جائے وہ کتنا بڑا فنکار ہوگا۔
