اسلام آباد(مانیٹرنگ ڈیسک) سینئر صحافی رؤف کلاسرا نے نجی ٹی وی پروگرام میں گفتگو کرتے ہوئے کہا ہے کہ نواز شریف اور مریم نواز اچانک لندن چلے گئے ہیں۔لیکن اس سے پہلے دونوں نے اتنا شور مچایا تھا کہ کلثوم نواز بیمار ہیں اور ہمیں باہر جانے کی اجازت نہیں دی جا رہی ۔تو اب یہ کیسے اچانک باہر چلے گئے؟کیا اب انہوں نے کسی جج سے اجازت لی تھی؟رؤف کلاسرا کا مزید کہنا تھا کہ نواز شریف اور مریم نواز کی اچانک لندن روانگی کے بعد
کچھ لوگ یہ بھی باتیں کر رہے ہیں کہ شاید نواز شریف نے کوئی ڈیل کی ہے۔کیونکہ نواز شریف نے رعایت مانگنے کے لیے بیک ڈور چینل کے ذریعے رابطے جاری رکھے ہوئے تھے۔لگتا یہی ہے کہ شاید نواز شریف کے لیے سافٹ ہینڈ رکھا جا رہا ہے کیونکہ اس سے پہلے فواد حسن فواد بھی ملک سے باہر جا چکے ہیں اور شہباز شریف کے داماد بھی ملک سے باہر ہیں۔واضح رہے کہ روانگی سے پہلے مریم نواز کہہ چکی ہیں کہ اگر انہیں حاضری سے استثنیٰ نہ ملا تو وہ وطن واپس آجائینگے۔
