راولپنڈی(آن لائن) آپریشن ردالفساد کے تحت سیکورٹی فورسز کی کارروائی کے دوران دہشتگردوں کا ایک بڑا نیٹ ورک پکڑا گیا،تین اہم دہشتگردوں کو گرفتار کرکے بھاری مقدار میں اسلحہ برآمد کرلیاگیا۔ آئی ایس پی آر کے مطابق یہ دہشتگرد نیٹ ورک پاراچنار میں دہشتگردی کی بڑی کارروائیوں میں ملوث تھا،اس کارروائی میں تین دہشتگردوں کو گرفتار
کیا گیا اور ان دہشتگردوں نے ابتدائی تفتیش میں متعدد وارداتوں کا اعتراف بھی کرلیا ہے۔یہ کارروائیاں کرم ایجنسی میں کی گئیں۔آئی ایس پی آر کی جانب سے بتایاگیا ہے کہ کرم ایجنسی میں بڑی کامیابی ملی ہے اور گرفتار دہشتگرد پاراچنار میں تین بڑی وارداتوں میں ملوث ہیں۔اس دوران ہتھیاروں کا بڑا ذخیرہ بھی قبضے میں لیا گیا ہے۔
