کراچی(آن لائن) پیپلزپارٹی کے راہنما ڈاکٹر عاصم نے کہا ہے کہ نواز شریف کو اپنے کرتوتوں کی سزا مل رہی ہے ان کو بہادری کے ساتھ مقدمات کا سامنا کرنا چاہئے۔ نواز شریف چودھری نثار کو معاف نہ کریں تو ان کا سیاسی مستقبل نہیں ہے۔ تفصیلات کے مطابق گزشتہ روز کراچی میں میڈیا سے غیر رسمی گفتگو کرتے ہوئے ڈاکٹر عاصم نے سابق وزیر اعظم نواز شریف پر تنقید کرتے ہوئے کہا کہ

انہیں اپنے کئے کی سزا مل رہی ہے ۔ صحافی نے ان سے سوال کیا کہ نواز شریف کہتے ہیں کہ ان سے بڑا کوئی مظلوم نہیں تو ڈاکٹر عاصم نے ردعمل میں کہاکہ ہر آدمی کہتا ہے کہ میرے ساتھ ظلم اور زیادتی ہو رہی ہے تاہم نواز شریف کو بہادری کے ساتھ مقدمات کا سامنا کرنا چاہئے۔ چودھری نثار کے حوالے سے انہوں نے کہا کہ چودھری نثار کا سیاسی مستقبل ختم ہو چکا ہے ایسوں کا مستقبل ختم ہی ہونا چاہئے ۔