لاہور (مانیٹرنگ ڈیسک) وہ وقت چلا گیا جب سابق وزیراعظم میاں نواز شریف اپنی پارٹی میں حکم صادر کرتے تھے اوراس کی تعمیل کی جاتی تھی یہ بات معروف و سینئر صحافی ہارون الرشید نے ایک نجی ٹی وی چینل کے پروگرام میں کہی۔ انہوں نے کہا کہ اب پارٹی کے اندر بھی رہنما نواز شریف سے سوال کرتے ہیں۔ سینئر صحافی نے کہا کہ مسلم لیگ (ن) کے گزشتہ دنوں جاتی امراء میں ہونے والے اجلاس میں پارٹی رہنماؤں نے میاں نواز شریف سے

صاف الفاظ میں کہا کہ آپ اداروں کے خلاف تلخی اور تصادم کا ماحول پیدا نہ کریں، سینئر صحافی نے گفتگو کرتے ہوئے کہا کہ اب ن لیگ کا یہ حال ہو گیا ہے کہ ان کے گیارہ ایم این اے تحریک انصاف میں شمولیت اختیار کر گئے ہیں اور مزید چالیس پچاس چھوڑنے والے ہیں، سینئر صحافی ہارون الرشید نے کہا کہ مسئلہ یہ ہے کہ ہر امیدوار کو تحریک انصاف والے نہیں لے سکتے کیونکہ وہ ہارنے والے امیدواروں کو پارٹی میں شامل نہیں کر سکتے۔