اسلام آباد(مانیٹرنگ ڈیسک)نجی ٹی وی دنیا نیوز کے پروگرام ’جرگہ‘کے میزبان اور معروف صحافی سلیم صافی کے گھر پر حملہ، موٹر سائیکل سوار حملہ آوروں نے گارڈ کو زخمی کر دیا، گھر میں داخل ہونے کی کوشش، تفصیلات کے مطابق نجی ٹی وی دنیانیوز کے پروگرام ’جرگہ‘کے میزبان اور معروف صحافی سلیم صافی کے گھر پر موٹر سائیکل سوار حملہ آوروں کے حملے میں ان کا گارڈ زخمی ہو گیا ہے۔
حملہ آوروں نے گھر میں داخل ہونے کی کوشش کی جس پر گارڈ نے مزاحمت کی جس پر حملہ آوروں نے گارڈ کے سر پر اینٹ اور پائوں پر تیز دھار آلے سے حملہ کر کے اسے زخمی کر دیا۔ اسلام آباد میں پیش آئے اس واقعہ پر شالیمار تھانے میں موٹر سائیکل سوار حملہ آوروں کے خلاف مقدمہ درج کر لیا گیا تھا۔ پولیس کا کہنا تھا کہ معاملے کی تحقیقات شروع کر دی ہیں جلد ملزم قانون کے شکنجےمیں ہونگے۔
