اسلام آباد(مانیٹرنگ ڈیسک)فیصل آباد میں تحریک انصاف کے رہنما کے شوروم پر نامعلوم افراد کی فائرنگ ، ایک نوجوان جاں بحق، نجی ٹی وی کے مطابق فائرنگ فیصل آباد میں تحریک انصاف کے چئیرمین پی پی 67 لکی شاہ کے کار شو روم پر ہوئی جس کے نتیجے میں 23 سالہ ارتضیٰ جٹ نامی نوجوان جاں بحق ہوا جبکہ 15 سے زائد گاڑیاں تباہ ہو گئیں۔فائرنگ کا واقعہ تھانہ

مدینہ ٹاؤن کی حدود میں رات اڑھائی بجے کے قریب پیش آیا۔ لکی شاہ نے الزام عائد کیا ہے کہ شوروم پرفائرنگ کرنے والوں میں چک جھمرو کا شانی ڈھلوں شامل ہے۔ تحریک انصاف کے رہنما نے کہا کہ ملزمان شراب پی کرآئے اور جھگڑا شروع کر دیا۔ فائرنگ کے بعد ملزمان موقع سے فرار ہو گئے ،فائرنگ کے نتیجے میں جاں بحق ہونے والے نوجوان کی لاش کو ہسپتال منتقل کر دیا گیا۔

موضوعات:فیصل آباد