استنبول (این این آئی) ترکی کے صدر طیب اردگان نے شام کے کرد اکثریتی علاقے عفرین میں کئی ہفتوں سے جاری فوجی آپریشن کی تکمیل کے بعد شام اور عراق میں 2 نئے فوجی آپریشنز کا اعلان کر دیا۔ غیر ملکی خبر رساں ادارے کے مطابق ترک صدر نے ایک بیان میں کہا کہ عفرین پرکنٹرول قائم کرنے اور کرد جنگجوؤں کو نکال باہر کرنے کے بعد ان کا اگلا ہدف شمالی شام کا شہر
تل رفعت ہوگا جبکہ ترک فوج عراق کے شہر سنجار میں بھی فوجی کارروائی کی تیاری کر رہی ہے۔ رجب طیب اردگان نے مزید کہا کہ تل رفعت پر کنٹرول کے بعد ترک فوج سرحدی علاقے طرازبون کی طرف پیش قدمی کرے گی۔ واضح رہے کہ ترکی نے 20 جنوری کو شام کے علاقے عفرین پر زمینی اورفضائی آپریشن شروع کیا تھا اور اس آپریشن کا مقصد کرد پروٹیکشن یونٹس کو ختم کرنا تھا۔
