لاہور( این این آئی)چیف جسٹس آف پاکستان جسٹس میاں ثاقب نثار نے قرار دیا ہے کہ چیف جسٹس کی حیثیت سے وہ مطلق العنان نہیں ہیں بلکہ انہیں قانون کے مطابق چلنا پڑتا ہے ۔چیف جسٹس پاکستان جسٹس میاں ثاقب نثار نے سپریم کورٹ لاہور رجسٹری سے دادرسی کے لیے رجوع کرنے والے سائلین کو عدالت میں بلایا اور ان کا موقف
سنا ۔چیف جسٹس آف پاکستان نے اس دوران ریمارکس دئیے کہ انہیں قانون کے مطابق چلنا ہے ،وہ براہ راست ہر معاملے میں مداخلت نہیں کر سکتے ۔چیف جسٹس نے سائلین کو مخاطب کرتے ہوئے کہا کہ وہ بطور چیف جسٹس مطلق العنان نہیں ہیں انہیں قانون کی پاسداری کرتے ہوئے قانون کے مطابق چلنا ہے ۔چیف جسٹس پاکستان نے سائلین کے موقف سننے کے بعد ہدایات بھی جاری کیں۔
