اسلام آباد(مانیٹرنگ ڈیسک)ڈپٹی کمشنر گوجرنوالہ کی ڈی سی ہائوس سے پھندے سے لٹکتی ہاتھ بندھی لاش برآمد، خودکشی یا قتل، معاملے نے پراسرار رخ اختیار کر لیا۔ تفصیلات کے مطابق ڈپٹی کمشنر گوجرانوالہ سہیل احمد ٹیپو کی پھندے سے لٹکتی ہاتھ بندھی لاش ڈی سی ہائوس سے برآمد کر لی گئی، کمشنر گوجرانوالہ نے تصدیق کرتے ہوئے بتایا ہے کہ ڈپٹی کمشنر سہیل احمد ٹیپوکی لاش ڈی سی ہائوس میں پھندے سے لٹکتی ہوئی برآمد کی گئی ہے۔ ضلعی انتظامیہ
ڈی سی ہاؤس پہنچی تو سہیل احمد ٹیپو مردہ پائے گئے۔ پولیس کا کہنا ہے کہ ڈی سی گوجرانوالہ سہیل ٹیپو کی لاش پنکھے کے ساتھ ان کی گردن میں پڑے پھندے سے لٹک رہی تھی لیکن ان کے ہاتھ پیچھے بندھے ہوئے تھے ، کمشنر گوجرانوالہ معاملے کو خودکشی جبکہ پولیس نے سہیل احمد ٹیپو کی موت کو پراسرار قرار دیدیا ہے۔ پولیس کا کہنا ہے کہ لاش کو پوسٹمارٹم کیلئے بھجوایا جا رہا ہے جس کے بعد ان کی موت کی اصل وجوہات سامنے آسکیں گی۔
