اسلام آباد(مانیٹرنگ ڈیسک)بھارت میں پاکستانی سفارتی اہلکاروں کو ہراساں کیا جانے لگا جس کی ویڈیو بھی سوشل میڈیا پر وائرل ہو گئی ہے ۔ ویڈیو میں واضح طور پردیکھا جاسکتا ہے کہ کیسے بھارتی خفیہ ایجنسی کے اہلکار پاکستانی سفارتکاروں کی گاڑیوں کو چاروں طرف سے گھیر کر ان کے چھوٹے چھوٹے بچوں کو ہراساں کر رہے ہیں ۔ایک پاکستانی سفارتکار مارکیٹ میں سودا سلف لینے کیلئے اپنے بیوی بچوں کے
ساتھ جونہی نکلتا ہے لیکن راستے میں اسے بھارتی خفیہ ایجنسی کے اہلکار ہراساں کرنا شروع کردیتے ہیں۔ بھارتی اہلکاروں نے اس سفارتکار کی گاڑی کو چاروں طرف سے گھیر لیا اور اس کی فیملی کی ویڈیوز بناتے رہے ۔یہ ایک مصروف شاہراہ لگتی ہے جہاں عام ٹریفک بھی رواں دواں ہے۔واضح رہے کہ پاکستان نے بھارت کی اس حرکت پر شدید احتجاج کیا ہے اور اپنے ہائی کمشنر کو مشاورت کیلئے نئی دہلی سے طلب کر لیا ہے۔
