اسلام آباد(مانیٹرنگ ڈیسک) گزشتہ روز سابق وزیر اعظم نواز شریف پر جوتے سے حملہ کرنے کے بعد ایک شخص نے فیصل آباد میں پاکستان تحریک انصاف کے چئیرمین عمران خان پر بھی جوتا پھینکنے کی کوشش کی ۔تا ہم پی ٹی آئی کے کارکنوں کی جانب سے یہ کوکشش ناکام بنا دی گئی ۔ سوشل میڈیا پر ایک ویڈیو وائرل ہو رہی ہے جس میں مذکورہ شخص کا
کہنا ہے کہ آج نواز شریف پر کسی نے جوتا پھینکا اور اس وقت میں اپنی دکان میں تھا تومجھےصوبائی وزیر قانون رانا ثنا ء اللہ کے داماد کی طرف سے ایک کال موصول ہوئی جس میں کہا گیا کہ عمران خان آج ملت چوک آ رہا ہے اور اس سے بدلہ لینا ہے۔جس کے بعد میں ملت چوک آ گیا۔لیکن مجھ سے یہ حرکت نہ ہو سکی اور تحریک انصاف کے کارکنوں نے مجھے پکڑ لیا۔
