اسلام آباد (مانیٹرنگ ڈیسک) ایک نجی ٹی وی چینل کے پروگرام میں صحافی ارشاد بھٹی نے گفتگو کرتے ہوئے کہا کہ جب جاوید ہاشمی کو ہتھکڑیاں پہنا کر نواز شریف نیلسن منڈیلا بن کر پاکستان سے لندن چلے گئے تھے تو اس وقت چنیوٹ کے قیصر شیخ جو کہ ایم این اے بھی ہیں وہ جاوید ہاشمی کو کھانا اور پیسے دیتے رہے اور انہیں چیز کی ضرورت ہوئی وہ مہیا کرتے رہے۔
صحافی ارشاد بھٹی نے کہا کہ ایک دن شیخ قیصر کو نواز شریف نے لندن میں بلا لیا، اس موقع پر شہباز شریف اور کلثوم نواز بھی موجود تھے، انہوں نے کہا کہ آپ کیا کر رہے ہیں، آپ جاوید ہاشمی کو ہمارے مقابلے میں لیڈر بنا رہے ہیں۔ آپ اندازہ کریں کہ جاوید ہاشمی شریف خاندان لوگوں کی وجہ جیل کاٹ رہا ہے، انہوں نے شیخ قیصر کو جاوید ہاشمی کی مدد کرنے سے روکدیا۔
