اسلام آباد (این این آئی)الیکشن کمیشن آف پاکستان نے حلقہ بندیوں کے نقشے لیک کر نے پر2افسران کو معطل کر دیا ہے جن میں ڈپٹی ڈائریکٹرالیکشن عاطف رحیم،اور ڈپٹی ڈائریکٹربجٹ محمد سرور شامل ہیں ،دونوں ڈپٹی ڈائریکٹرزکیخلاف انکوائری کا بھی حکم دیدیاگیا ، دونوں افسران کو تین ماہ کے لئے معطل کیا گیا ۔
تفصیلات کے مطابق الیکشن کمیشن نے حلقہ بندیوں کے نقشے لیک کر نے پردوافسران کو معطل کر دیا ، معطل ہونے والے افسران میں ڈپٹی ڈائریکٹرالیکشن عاطف رحیم،اور ڈپٹی ڈائریکٹربجٹ محمد سرور شامل ہیں ٗدونوں ڈپٹی ڈائریکٹرزکیخلاف انکوائری کا بھی حکم جبکہ ڈپٹی ڈائریکٹروقاص ملک کوالیکشن،عابدشاہ کوبجٹ کااضافی چارج دیدیاگیا۔
