اسلام آباد (این این آئی ) نیب نے سابق چیئرمین سی ڈی اے امتیاز عنایت الہی اور سابق ممبر فنانس سعید الرحمان کو گرفتار کر لیا ہے نیب ترجمان کے مطابق شکر پڑیاں کلچرل کمپلیکس، اختیارات کیناجائز استعمال پر امتیاز عنایت الہٰی اور سعید الرحمن گرفتار کیا ہے۔میڈیا رپورٹ کے مطابق دونوں افسران نے شکرپڑیاں کلچرل
کمپلیکس کی تعمیر میں مبینہ کرپشن اور اختیارات کا ناجائز استعمال کرکے قومی خزانے کو کروڑوں روپے کا نقصان پہنچایا ٗنیب پنڈی کلچرل کمپلیکس کی تعمیر میں خرد برد پر پہلے ہی تحقیقات کررہا تھا اور ٹھوس شواہد ملنے پر نیب نے ملزمان کو گرفتار کرلیا ٗ ملزمان کو احتساب عدالت میں پیش کرکے جسمانی ریمانڈ حاصل کیا جائیگا۔
