لاہور (مانیٹرنگ ڈیسک) آشیانہ اقبال سکینڈل کی تحقیقات میں مزید پیشرفت میں سابق ڈی جی ایل ڈی اے احد چیمہ کیلئے انکشافات سامنے آگئے، نیب ذرائع کے مطابق احد چیمہ اور قریبی رشتہ دارون کی پیراگون سوسائٹی میں اراضی کا کھوج لگالیا گیا۔ احد چیمہ اور قریبی رشتہ داروں کی پیراگون سوسائٹی میں 4 ایکڑ اراضی ہے۔ نیب نے پیراگون سوسائٹی میں اراضی
کے شواہد بھی جمع کر لئے۔ اراضی سے متعلق شواہد پیراگون سٹی کے دفتر سے ملنے والے ریکارڈ سے ملے۔ احد چیمہ اور رشتہ دارون کی اراضی کی تصدیق کیلئے متعلقہ اداروں سے نیب نے رابطہ کر لیا ہے۔ احد چیمہ سے متعلق نئے انکشافات کے بعد ریمانڈ میں توسیع کی استدعا کی جائے گی۔ تین روز قبل پراگون سٹی میں چھاپے سے مزید انکشافات کی توقع ہے۔
