اسلام آباد (مانیٹرنگ ڈیسک) سینٹ انتخابات کے غیر سرکاری اور غیر حتمی نتائج مکمل ہو چکے ہیں لیکن سوشل میڈیا پر پیپلز پارٹی کی خاتون رہنما روبینہ قائم خانی چھائی ہوئی ہیں جن کے بیٹے کی وفات گزشتہ روز ایک ٹریفک حادثے میں ہوئی تھی اس کے باوجود وہ اسمبلی میں اپنا ووٹ کاسٹ کرنے کے لیے آئیں۔ ایک طرف روبینہ قائم خانی کے بیٹے کی ناگہانی موت پر پیپلز پارٹی نے اظہار افسوس کیا تو دوسری طرف ان کی سینٹ انتخابات میں ووٹ کاسٹ کرنے کے لیے اسمبلی آمد پر سوشل میڈیا
پر یہ بحث سرگرم ہے کہ وہ اپنے فرض سے پیچھے نہیں ہٹیں اور اس انتہائی نازک وقت میں اپنا فرض ادا کرنے کے لیے اسمبلی آئیں اور ووٹ ڈال کر واپس چلی گئیں۔ سوشل میڈیا پر پیپلز پارٹی کی خاتون رہنما روبینہ قائم خانی کے اس عمل کو سراہا جا رہا ہے اور ان کی خوب تعریفیں کی جا رہی ہیں، ایک طرف روبینہ قائم خانی کے اس عمل کو سراہا جا رہا ہے تو دوسری طرف تحریک انصاف کے رہنما عمران خان کو اسمبلی میں ووٹ کاسٹ نہ کرنے پر شدید تنقید کا نشانہ بنایا جا رہا ہے۔
