اسلام آباد (مانیٹرنگ ڈیسک) نو منتخب سینیٹر مشاہد حسین سید جنہوں نے کچھ عرصہ قبل ہی مسلم لیگ (ن) میں شمولیت اختیار کی ہے نے صحافیوں سے گفتگو کرتے ہوئے کہا کہ سینٹ کی نشست ن لیگ اور نواز شریف کی امانت ہے، اس موقع پر انہوں نے کہا کہ مخالفین نے سینٹ انتخابات کے خلاف بہت مشکلات پیدا کرنے کی کوشش کی، انہوں نے کہا کہ مخالفین نے اپنی منصوبہ بندی کی لیکن اللہ تعالیٰ نے بھی ایک منصوبہ بندی
کر رکھی تھی،انہوں نے اس جیتی ہوئی نشست کو ن لیگ اور میاں نواز شریف کی امانت قرار دیا۔ انہوں نے کہا کہ پہلے پلان اے سامنے آیا تاکہ ن لیگ تقسیم ہو جائے اس کے بعد پلان بی یہ سامنے آیا کہ سینٹ انتخابات نہ ہوں اور پلان سی کے مطابق ن لیگ کو سینٹ انتخابات سے باہر کر دیا۔ مشاہد حسین سید نے کہا کہ یہ منی ریفرنڈم ہے، مشاہد حسین سید نے کہا کہ اسد جونیجو اور مجھے پاکستان کے تمام صوبوں نے ووٹ دیا۔
