لاہور (مانیٹرنگ ڈیسک) وزیر اعلیٰ پنجاب اور پاکستان مسلم لیگ (ن) کے قائمقام صدر محمد شہباز شریف سے سابق وزیر داخلہ چوہدری نثار علی خاں نے رابطہ کر کے قائم مقام صدر (ن) لیگ منتخب ہونے پر مبارکباد دی ۔ذرائع کے مطابق دونوں رہنماؤں کے درمیان ٹیلیفونک رابطے میں ملکی سیاسی
صورتحال پر بھی تبادلہ خیال کیا گیا ۔ واضح رہے کہ منگل کے روز مسلم لیگ (ن) کی مرکزی مجلس عاملہ کا اجلاس ماڈل ٹاؤن میں منعقد ہوا تھا جس میں نوازشریف کو تاحیات قائد اور شہباز شریف کو (ن) لیگ کا قائم مقام صدر منتخب کیاگیا تھا۔تاہم چوہدری نثار نے اجلاس میں شرکت نہیں کی تھی۔
