لاہور (مانیٹرنگ ڈیسک) معروف قانون اور سابق گورنر پنجاب لطیف کھوسہ نے ایک نجی ٹی وی چینل کے پروگرام میں دعویٰ کرتے ہوئے کہا ہے کہ وزیراعلیٰ پنجاب شہباز شریف کو گرفتار کرنے کی تیاریاں مکمل کر لی گئی ہیں۔ پیپلز پارٹی کے سینئر رہنما لطیف کھوسہ نے کہا کہ احد چیمہ کی گرفتاری تو ابھی ابتداء ہے، احد چیمہ کے بعد شہباز شریف کی باری ہے، انہوں نے گفتگو کرتے ہوئے کہا کہ وزیراعلیٰ پنجاب شہباز شریف کے

گرد گھیرا تنگ ہو چکا ہے اور جلد ہی انہیں گرفتار کر لیا جائے گا۔ انہوں نے مزیدکہا کہ شہباز شریف کی گرفتاری کی تیاریاں مکمل ہو چکی ہیں، واضح رہے کہ وزیراعلیٰ پنجاب شہباز شریف ایک بیان میں خود کہہ چکے ہیں کہ اصل نشانہ وہ ہیں احد چیمہ تو ایک بہانہ ہے۔ یاد رہے کہ احد چیمہ وزیراعلیٰ پنجاب شہباز شریف کے قریبی ساتھی سمجھے جاتے ہیں اور اسی وجہ سے ان کے گرد ممکنہ طور پر گھیرا تنگ ہو رہا ہے۔