اسلام آباد(مانیٹرنگ ڈیسک) سپریم کورٹ کی جانب سے سابق وزیراعظم میاں نواز شریف کو پارٹی صدارت کیلئے نااہل قرار دیا گیا جس کو ملکی و غیر ملکی میڈیا سمیت سوشل میڈیا پر بھی خصوصی جگہ دی گئی اور ایسے میں وکی پیڈیا بھی پیچھے نہ رہا اور فوری طور پر ’سیٹ خالی ہے‘ کا لکھ دیا ہے۔وکی پیڈیا نے بھی سپریم کورٹ کے حکم پر
فوری عملدرآمد کرتے ہوئے پاکستان مسلم لیگ (ن) کی کرسی صدارت کو خالی قرار دیدیا ۔ وکی پیڈیا کی اس پھرتی کو دیکھتے ہوئے سوشل میڈیا صارفین کی جانب سے طرح طرح کے کمنٹس کئے جارہے ہیں۔یہاں یہ بات یاد رہے کہ ن لیگ کی جانب سے سینٹ الیکشن کیلئے ٹکٹ دوبارہ جاری کردئیے گئے ہیں جن پر راجہ ظفرالحق کے دستخط ہیں۔
