اسلام آباد(آن لائن) وزیر اعظم شاہد خاقان عباسی نے کہا ہے کہ نواز شریف کو عوام کے دلوں سے کیسے نکالیں گے مسلم لیگ ن کی قیادت پر اس طرح کا وقت اس سے پہلے بھی آتا رہاہے اس صورتحال سے بھی پارٹی سرخرو ہوکر نکلے گی تفصیلات کے مطابق جمعرات کے روز وزیر اعظم شاہد خاقان عباسی سے مسلم لیگ کے سربراہ اعجاز الحق نے ملاقات کی جس میں موجودہ سیاسی صورتحال اور سپریم کورٹ کے فیصلے پر مشاورت ہوئی اور اعجاز الحق
نے وزیر اعظم شاہد خاقان عباسی کو مکمل حمایت کی یقین دلائی ملاقات میں شاہد خاقان عباسی نے کہا کہ نواز شریف کو وزارت عظمیٰ اور پارٹی صدارت سے تو نااہل کردیا گیا لیکن یہ لوگ نواز شریف کو عوام کے دلوں سے کیسے نکالیں گے ہماری قیادت نیپہلے بھی ان حالات کا ڈٹ کر مقابلہ کیا اور اب بھی کرے گی عام انتخابات وقت پر ہونگے ہمارے پاس جمہوریت کے علاوہ کوئی راستہ نہیں ملک کو صرف جمہوریت کے ذریعے ہی ترقی سے ہمکنار کیا جاسکتا ہے۔
