اسلام آباد (مانیٹرنگ ڈیسک) سینئر صحافی و معروف تجزیہ کار نصرت جاوید نے ایک نجی ٹی وی چینل کے پروگرام میں گفتگو کرتے ہوئے کہا کہ میں ٹھوس اطلاع کی بنیاد پر دعویٰ کر رہا ہوں کہ شاہد خاقان عباسی اس بات پر تلے بیٹھے ہوئے ہیں کہ حکومت کا وقت ختم ہونے سے پہلے ہر صورت میں پاکستان سٹیل مل اور پی آئی اے کی نج کاری کر رہے ہیں، سینئر صحافی نصرت جاوید نے مزید کہا کہ ان کا یہ خیال ہے کہ میں نے جو ندائیہ کر رکھا ہے اس میں بھی رکاوٹیں آئیں گی، اس وقت ان کی کابینہ کے دو وزراء پر

سپریم کورٹ کی توہین کرنے پر چارج شیٹ کی گئی ہے، شاہد خاقان عباسی یہ محسوس کرتے ہیں کہ اگر ہمارے بارے میں یہ تاثر پھیلتا ہے کہ کچھ لوگ جو ہیں ان کو پیادے کی طرح شاید ہم اشارہ کرتے ہیں کہ بول دو تو وہ نہال ہاشمی کی طرح قربان کر دیے جاتے ہیں اور ہم آرام سے سیٹیاں بجاتے رہتے ہیں، سینئر صحافی نے کہا کہ یہ کوئی طریقہ نہیں ہے، کابینہ آپ کی ذمہ داری ہے، کیا آپ کی اپنی پوزیشن سیاسی ہے یا نہیں، سینئر صحافی نصرت جاوید نے کہا کہ بحیثیت وزیراعظم شاہد خاقان عباسی اس تمام کے ذمہ دار ہیں۔