اسلام آباد(مانیٹرنگ ڈیسک)سیشن کورٹ لاہورمیں نامعلوم افراد کی فائرنگ، ایک وکیل جاں بحق، ایک زخمی۔ تفصیلات کے مطابق سیشن کورٹ لاہور میں نامعلوم افراد کی فائرنگ سے ایک وکیل جاں بحق جبکہ ایک زخمی ہو گیا ہے۔ جاں بحق ہونے والے وکیل کی شناخت رانا اشتیاق کے نام سے ہوئی ہے۔
جبکہ زخمی ہونےوالے وکیل کی شناخت آصف کے نام سے ہوئی ہے۔لاہور سیشن کورٹ واقعہ پر وزیراعلیٰ پنجاب شہباز شریف نے اظہار افسوس کرتے ہوئے واقعہ کی مکمل انکوائری کا حکم دیدیا ہے۔ پولیس کے مطابق فائرنگ کرنے والے ملزم کا جاں بحق وکیل کیساتھ خاندانی جھگڑا تھا اور دونوں آپس میں رشتہ دار تھے۔
