اسلام آباد(مانیٹرنگ ڈیسک)بشریٰ کے ساتھ شادی کے بعد عمران خان کو ہر طرف سے مبارکبادوں کا سلسلہ جاری ہے ۔تحریک انصاف کے نائب صدرشاہ محمود قریشی نے عمران خان کو شادی کی مبارک باد دی ۔سوشل میڈیا اکاﺅنٹ پر اپنے پیغام میں ان کاکہنا تھا کہ عمران خان کو شادی کی مبارک باد!اللہ تعالی آپ کو مستقبل میں بہت ساری خوشیاں دے۔دوسری جانب جہانگیر ترین نے
بھی شادی کی مبارک باد دیتے ہوئے کہا کہ دعا ہے اللہ تعالیٰ آپ دونوں کو ہمیشہ خوش وخرم رکھے۔تحریک انصاف کے رہنما عون چوہدری نے بھی عمران خان کو شادی پر مبارک باد دی۔مشتاق غنی کا کہنا تھا کہ اللہ آپ کو خوش رکھے۔عبدالعلیم خان نے بھی جوڑے کے لئے نیک تمناوں کا اظہار کیا ہے۔دوسری جانب مسلم لیگ ن کی جانب سے بھی عمران خان کو مبارکباد دی گئی ہے ۔
