کراچی(آن لائن)انٹرا پارٹی الیکشن سے پہلے فاروق ستار نے کارکنان کیلئے ویڈیو پیغام جاری کیا۔ویڈیو پیغام میں ان کا کہنا تھا کہ23 اگست کی طرح پارٹی دوبارہ بچانے کا وقت ہے۔ پارٹی شدید بحران کا شکار ہے اور انٹراپارٹی الیکشن واحد حل ہے۔انہوں نے کہا کہ بحران سے نکلنے کے بعد عام انتخابات کی تیاری کریں گے،
عام انتخابات میں بڑے مارجن سے کامیابی حاصل کریں گے۔فاروق ستار نے کہا کہ انٹرا پارٹی الیکشن پارٹی کو بحران سے بچائے گا،کارکنان کراچی اور حیدرآباد پہنچ کر حقِ رائے دہی استعمال کریں۔سربراہ ایم کیو ایم پاکستان نے مزید کہا کہ میرا 35 سال کا شفاف سیاسی کیرئیر سب کے سامنے ہے، یقین کریں کہ آپ کو مایوس نہیں کروں گا۔
