واشنگٹن (آئی این پی ) امریکہ نے عاصمہ جہانگیر کی وفات پر افسوس کا اظہار کرتے ہوئے ان کی خدمات کو زبردست خراج عقیدت پیش کیا ہے ۔ منگل کو امریکی محکمہ خارجہ کی جانب سے جاری کردہ ایک بیان میں کہا گیاہے کہ عاصمہ جہانگیر انسانی حقوق ، جمہوریت کی علمبردار تھیں ۔
عاصمہ جہانگیر نے مظلوم طبقے کے حقوق کے لئے آواز اٹھائی ۔ ہمیشہ جمہوریت اور انسانی حقوق کے لئے کھڑی ہوئیں ۔ امریکی محکمہ خارجہ کی جانب سے جاری کردہ بیان میں کہا گیا ہے کہ عاصمہ جہانگیر کے کام نے ان کی عالمی دنیا میں پہچان کروائی ۔ دکھ کی اس گھڑی میں پاکستانی عوام کے ساتھ ہیں ۔