اسلام آباد(مانیٹرنگ ڈیسک)مشاہد حسین سید نے پاکستان مسلم لیگ (ق) کو خیرباد کہنے کا فیصلہ کر لیا، استعفیٰ چوہدری شجاعت کو بھجوادیا،نجی ٹی وی کے مطابق سینئر سیاستدان مشاہد حسین سید نے مسلم لیگ ق کو چھوڑنے کا فیصلہ کرلیا ہے اس سلسلے میں انہوں نے اپنا استعفیٰ چوہدری شجاعت کو بھی ارسال کردیا ہے ،واضح رہے کہ گزشتہ روز مشاہد حسین سید نے پاکستان مسلم (ن) کے سربراہ

نواز شریف سے ملاقات کی تھی جبکہ انہیں نواز شریف کی جانب سے مسلم لیگ (ن) میں شرکت کی دعوت بھی دی گئی ہے اور سینٹ الیکشن میں ٹکٹ دینے کا بھی کہا گیا ہے۔یاد رہے کہ کچھ روز سے مشاہد حسین سید کی طرف سے خبریں گردش کر رہی ہیں کہ وہ پاکستان مسلم لیگ (ن) کو جوائن کر رہے ہیں اب استفعی دینے سے لگ رہا ہے کہ وہ یقینا پاکستان مسلم لیگ (ن) میں شامل ہو جائیں گے ۔