اسلام آباد(مانیٹرنگ ڈیسک)صوبہ خیبر پختونخوا کے علاقے غوریوالا میں نامعلوم مسلح موٹر سائیکل سواروں کی فائرنگ، جماعت اسلامی کے مقامی رہنما ملک طفیل جاں بحق ہوگئے۔نجی ٹی وی کے مطابق جماعت اسلامی کے مقامی رہنما ملک طفیل کو صبح کے وقت اس وقت نشانہ بنایا گیا جب وہ کام کے سلسلے میں گھر سے باہر جا رہے تھے۔ نامعلوم موٹر سائیکل سواروں نے آتے ہی ان پر اندھا دھند
فائرنگ کردی جس کے نتیجے میں وہ موقع پر ہی جاں بحق ہوگئے۔ ملک طفیل کے قتل کی اطلاع ملتے ہی جماعت اسلامی کے کارکنوں کی بڑی تعداد موقع پر پہنچ گئی اور احتجاج شروع کردیا۔ دوسری جانب پولیس نے مقتول سیاسی رہنما کی لاش کو ہسپتال منتقل کرکے تحقیقات کا آغاز کردیا ہے۔واقعے کے بعد علاقے کی فضا سوگوار ہے ،امیر جماعت اسلامی سراج الحق نے ان کے قتل کی شدید مذمت کی ہے۔
