لاہور(نیوز ڈیسک)دانش سکولز حکومت پنجاب کے تعلیم کے شعبہ میں کئے جانے والے بہترین اقدامات میں سے ہے ان سکولز میں غریب اور مستحق بچوں کو دور حاضر کے تقاضوں کو مد نظر رکھتے ہوئے تعلیم دی جاتے ہے تا کہ ان کی تعلیمی صلاحیتوں کو پرائیویٹ سکولز ہی کی طرح اُجاگر کیا جا سکے۔ خیبر پختونخواہ میں بھی ایسے ہی سکول کی بنیاد رکھی جانے والی ہے لیکن اس میں بھی خیبر پختونخواہ کو پنجاب سے مدد درکار ہے
تفصیلات کے مطابق حکومت خیبر پختونخواہ نے حکومت پنجاب کو خط لکھا ہے کہ وہ اس سکول کے لئے درکار پلاٹ کی قیمت ادا کرے اور ساتھ میں یہ وضاحت بھی دی گئی کہ ان کے پاس تعلیم کے شعبہ کے لئے فنڈز موجود نہیں ہیں !!سوال یہ اٹھتا ہے کہ کیا عمران خا ن صاحب کے تعلیم کے بارے میں کئے بلند و بانگ دعوے محض لفاظی پر مشتمل ہوتے ہیں یا جھوٹ کا پلندہ، کیونکہ جب بھی ان وعدوں کو وفا کرنے کا وقت آتا ہے عمران صاحب یو ٹرن اختیار کر لیتے ہیں تقاریر میں تو سر سید احمد خان کی باتیں اور تعلیم کے فروغ میں ان کے کردار کی تعریف کرنے والے خان صاحب کے پاس تعلیم کے لئے فنڈز تک موجود نہیں ۔ کیا یہ ہے ان کا نیاپاکستان ہے کیا اس کو بنانے کے لئے آپ رات دن دوسروں کے مثبت اقدامات کو کڑی ضرب لگانے میں کوئی کسر نہیں اٹھا رکھتے ۔خیال کرنا چاہیے اپنی زبان کے ادا کئے ہوئے الفاط کی عزت رکھنی چاہیے۔آپکی حکومت پر افسوس صد افسوس ہے کہ آپ کے پاس غریب اور مستحق بچوں کی معیاری تعلیم کے لئے خزانہ میں ذرہ برابر بھی فنڈنہیں ۔خان صاحب ایسی تبدیلی سے تو خدا بچائے جس میں غریبوں کی تعلیم بھی رک جائے ۔