اسلام آباد(آئی این پی)وزیر مملکت برائے توانائی عابد شیر علی نے کہا ہے کہ شیخ رشید مرد کا بچہ ہوتا تو استعفیٰ دیتا ‘ وہ بزدل آدمی ہے ‘ وہ 30 جنوری کا انتظار کر رہا ہے ‘ اس کو پتہ ہے کہ 30 جنوری سے پہلے استعفیٰ دیا تو وہاں دوبارہ الیکشن ہوں گے ‘ عمران خان نے اپنے ایم این ایز کو رگڑا ہے جو بے شرموں کی طرح اسمبلی میں بیٹھے ہیں۔ جمعہ کو پارلیمنٹ ہائوس کے باہر میڈیا سے گفتگو کرتے ہوئے عابد شیر علی نے کہا کہ شیخ رشید 30 جنوری

کا انتظار کر رہا ہے ‘ وہ بزدل آدمی ہے اس نے اپنے اوپر لعنت بھیجی ہے اس کو پتہ ہے کہ 30 جنوری سے پہلے استعفیٰ دیا تو وہاں دوبارہ الیکشن ہوں گے۔ انہوں نے کہاکہ 30 جنوری سے پہلے استعفیٰ دیا تو اس کی سیاست نالہ لئی میں پھینک دیں گے۔ انہوں نے کہاکہ عمران خان نے اپنے ایم این ایز کو رگڑا ہے جو بے شرموں کیطرح اسمبلی میں بیٹھے ہیں۔ شیخ رشید کبھی اپنے اعلان پر عمل نہیں کرے گا۔ وہ مر د کا بچہ ہوتا تو استعفیٰ دیتا۔