کراچی(نیوزڈیسک)کراچی میں ایس ایس پی راؤ انوارپر خودکش حملہ،تفصیلات کے مطابق کراچی میں ایس ایس پی راؤ انوار پر خود کش حملہ ہوا ہے ، خود کش حملہ آور نے راؤ انوار کی گاڑی کے قریب آکر خود کو دھماکے سے اُڑا لیا، ایس ایس پی راؤ انوار جرائم پیشہ عناصر کے خلاف کارروائیوں کی وجہ سے کافی معروف شخصیت ہیں ،راؤ انوار اپنے گارڈز کے ہمراہ گھر کی جانب جارہے تھے کہ اس دوران خودکش حملہ آور نے ان کی گاڑی کے قریب آکر خود کو دھماکے سے اُڑالیا
جس کے بعد دہشت گردوں نے فائرنگ شروع کردی ،معلوم ہوا ہے کہ راؤ انوار کے گارڈز کی جوابی فائرنگ سے حملہ آور کے دو ساتھی موقعے پر ہلاک ہوگئے ہیں جبکہ ایک دہشت گرد فرار ہونے میں کامیاب ہوگیا ہے، ایس ایس پی راؤانوار کے بارے میں بتایاجارہا ہے کہ خود کش حملے میں وہ محفوظ رہے ہیں ، واقعہ کے بعد پولیس نے علاقے کو گھیرے میں لے لیا ہے اور فرار ہونے والے دہشت گرد کی گرفتاری کے لئے کارروائی شروع کردی گئی ہے۔